Zemin zenan bilen owadan, meger,
Gaýratyna jümle-jahan baş eger.
Şirin jandyr-syzar, gözüňdir görer,
Diýýäs öwran öwran-öwran gaýtalap ýene,
Ýaşasyn ene!
Ýaşasyn ene!

Beýikleriň arkasynyň galasy,
Paýhaslydyr maslahaty-salasy,
Gelýär ähli gowulygy diläsiň,
Rowaçlyk getirsin her gün,her sene,
Ýaşasyn ene!
Ýaşasyn ene!

Alkyşyndan joşgun ala,bat ala,
Okaýas, öwrenýäs bilmän ýadama,
Nesip etsin ynamňyzy ödemek,
Näzik kalby bahar döreder diňe,
Ýaşasyn ene!
Ýaşasyn ene!

Mydam balasyny ýat edip gezer,
Ýoňlasa,ýüregni ot edip gezer,
Boýnuna monjuk däl,umydyn düzer,
Kime perişdedir,käbedir kime,
Ýaşasyn ene!
Ýaşasyn ene!

Baýlyk bilen ýetip bolmaz hakyna,
Arşy mertebesi sygmaz çakyňa,
Öňünde belent dag düşer çöküne,
Görki göze ýakyn,tarypy-dile,
Ýaşasyn ene!
Ýaşasyn ene!

Nusgalykdyr göreldesi,öwüdi ,
Nepis halysynyň waspy ebedi,
Arkadagym beýiklige deňedi ,
Joşgun berip bagtyýarlyk döwrüme,
Ýaşasyn ene!
Ýaşasyn ene!

Gurbanjemal ANNAKOWA.