Bilmese bir-birek haly ýeňledip,
Aýdylmadyk sözler ar alsa senden.
Ýagşyň owazyny hüwdä meňzedip,
Hemaýat gözleýäň guşuň sesinden.

Käte göwnüň ýaly öýüňem sowuk,
ýöne birden bir söz ýagtyldýar törüň,
Onsoň biz gussany daş kimin owup,
Şol ýeke söz bilen ýylanyp ýörüs.

Elimiz giňedi, dokundy zaman,
Eger aç bar bolsa, sözüň ajydyr.
Söz – adamyň öz-özüne çydaman,
Ahyr bir gün açyş eden zadydyr.

Mämmetnazar BABANAZAROW.