Didarlaşmak
"Çagalyk" goşgular toplumyndan.


Salam,sada çagalygym!
Oñatmyñ?!
Hasratyñ ruhuma batyrýar tiken.
Bilýärmiñ,aslynda küýsemek däl-de,
Küýseýäniñ bilmek has agyr eken.

Oýnap ýörün uly adam roluny,
Bagt saýyp ykbalyñ eçilmekligin.
Ýoluma daş goýanlaram halaýan
Olardan öwrendim geçirmekligi.

Sorama sen "Melul bolduñ nämeden?"
Günleriñ birinde aýñalar essim.
Ýokuş görmen dag döränin derdimden,
Dag döräpdir - diýmek, ýañlanar sesim.

Oýuñda oýunlar neneñ hezillik,
Duşduk ine,ýatlaşaly geçeni.
Gollarymy çermäp goşuljak saña
"Gel"sesini eşidýänçäm ejemiñ.

Ýadyñdadyr ýere degdi dyzlary,
Joralañ yzyndan kowalap, gyssap.
Menem munda ýaşap ýörüp düşündim:
Ýykylsa galmagy öwrenýär ynsan.

Günler tekerini tigirläp ýörler,
Hersi başga-başga göreşler bile.
...Diñe el galgadyp hoşlaşaly biz,
Ynanyp ýene-de görüşjegmize.

Mahym Nurgeldiýewa.

08.01.2022 ý.