“BIWEPA SAÝDYLAR WEPADARYMY...”

Eý, dertli doganym!
Eý, gamly dostum!
Seň ähli derdiňi sen bolup çekdim.
Gursagyma ýerleşmedik duýgymy
Ajy syýa bilen kagyza dökdüm.

Syryny paýlaşdy eziz syrdaşym,
Biwepaň derdinden ýüregi dagly.
Ýene-de men özüm däl-de, sen boldum,
Hamana men il derdine adagly.

Ýadyňdamy, joram, haýyş edeniň
Galam bilen paýlaşmagy syryňy?!
Şonda saňa ýazan şygrymy okap,
Biwepa saýdylar wepadarymy.
Derdini ýeňleden eý eziz joram,
Sen bir meň şygryma düşün ahyry!

GYZYLGÜL ANNAGYLYJOWA