Umytly günlere nazarmy salyp,
Seretmän maňlaýmyň şordur, pesine
Hyýal mellegimde arzuw ekerin,
Äwmän ykbalymyň "bolmaz" sesine

Ýöne arzuwlaram bolsa-da soňsuz,
Bolmaly olarňam öňi-ahyry.
Guş kimin arzuwlaň uçanda näme!?
Guşlaram birgüni ölýär ahyry...!

Meniňem arzuwym guş kimin uçar,
Duýdansyz günde-de berer amanat
"Armanymdy" diýe başym sallaryn,
Ol ne hakykatdyr, ne-de bir galat

Soňra ýas bolar...
...Bolar ol, aý-ýyllap.
Ykbal ýagdaýyma hyrçyny dişlär
Emma, bu kiçijik ynamly gursak
Ölse-de täzesin döreder gursak,
...Arzuwsyz ýaşamak gelişmez güýçlä!


Ylham GURBANALYÝEW