Süýji bolsaň seni datman iýerler,
Ajy bolsaň seni bir gyrada goýarlar,
Gedem bolsaň senden basym doýarlar,
Ýalançyda gowy bolmak kyn eken...

Ýuwaş bolsaň çalt üstüňden basarlar,
Ýetim bolsaň seni gyra-gyra gysarlar,
Pulsuz bolsaň seni saňa goýmazlar,
Ýalançyda gowy gezmek kyn eken...

Ejiz bolsaň köp üstüňden gülerler,
Aglap gezseň karar bilen bakarlar,
Sözlemeseň boýnuňa zat dakarlar,
Ýalançyda ýaşap gezmek kyn eken.