Ötmejek günlerem ötdi birmahal
Aýralygyň yzasyny aýyrman
Teňňe atylýan-a däldi söýgümiz,
Ony döwmekdenem näme haýyr bar?!

Kül etdiň, iç doly arzuwlar bilen,
Sebäbin sorasam-aradaşlykdy...
Ýüregmiň hökümdary sendiň welin,
Seniň ýüregiňde özge başlykdy...

Seniň arzuwlarňy bilmedim aňlap,
Meniň arzuwymda bile ömürdiň
Hasyldan ýeten paý - maňa harpykdy,
Barja dänelerni ýele sowurdyň

Geljegmiz öňünden açyş etdik biz,
Bilmen, ykbal kemsinermi kemsinmez?!
Bir ýola çykmaga gorkduk ikimiz,
Duralgada durus, aýry menziller...


Ylham GURBANALYÝEW (2021)