Üns berip goşgy diňläp otyrkaň
Gördüm seni gapdalynda Çemeniň
Ýöne weli (özüne bir aýdaýma)
Çyndyr gözellikde ony ýeňeniň

Goşgy diňleýşiňem üýtgeşik ondan
Goşga düşünşüňem ondan üýtgeşik
(Ýa-da bular meň göwneme şeýlemi?
Ýa-da gözlem barýarmy-ka üýtgeşip?!)


Goşgy goşup bermegini soranda
Joraň bir şahyrdan (hökman däl ady)
Gözüm gitdi şol şahyryň bagtyna –
Köredi kalbymda bir duýgyň ody

Çemeniň haýyşy ýerne ýetdimi,
Ýetmedimi? onçasyny bilmedim
Ýöne men-ä haýyş etmeseň-de sen
Şu sözleri ak kagyza ýelmedim.

Birje haýyş: Eger goşgym ýarasa
Okap, bir bukuja ýerde ýygşyraý
Bolmasa-da, menden öýke etme-de
Ýyrtyp ýele, suwa, oda tabşyraý.-

Oraznepes Bayramow