Ine, seleñleýär umytdan gaýa,
Şindi bermeris per tupana-gaýa,
Ömrümiñ peşgeşi,bagt lybasyma
Nurdan nepislenen söýgiñi gaýa.
**********
Elwan düýşler göwne halysyn ýazar,
Iñ ägirt kitaby ýazgydym ýazar,
Ýylgyran ýüzlere allanma,köñlüm,
"Her parlan altyn däl" diýipdir ýazar.
************
Seretsene,dörän ahwala-hala,
Gülüñ ýañagynda bulduran hala.
Eý sen mawy gözli asmanym meniñ
Hala,bulut eçil,gün dogdur,hala.
**********
Gözümden gaçmaga meýilli ýaşa,
Ýol berme,päk umyt sen baky ýaşa.
Günbe-günden subut edýär ykbalym
Aklymyñ dahylly däldigin ýaşa
*************
Hemläñ kime?Alynmadyk aramy?!
Bagyşlamak göwne uzak aramy?
Ýeke gezek "Ötdüm" diý-de ýazygyñ,
Ýylgyrsana,teşne köñlüñ aramy.
**********
Gymmatyn syzana durmuş bir gül-le,
Eý hyýal!Ruhymda şinele,gülle.
Kalbymyñ bir ýany göýä ki çarbag,
Bir ýany ýaradar,degen deý gülle.
***********
Ýadama hemaýat,biparhlyk ýada.
Pursatlar kitap deý ýazylar ýada.
Meni tanamansoñ,aýtmaz diýp kimsä
Syrym sözläberýän nätanyş-ýada.

Mahym Nurgeldiýewa.