Ýürekden syzdyryp aýdýan sözlerim
Doglan günüň gutly bolsun söýgülim
Elmydama gülüp dursun gözleriň
Ömrüň süýji datly bolsun söýgülim
Ýürejigim, bu gün hasam bagtyýar!
Gör ne gözel gözlerinde jady bar
Şu setirler galsyn menden ýadygär
Doglan günüň gutly bolsun söýgülim
Arzuwlarym kändir ýagşydan-ýagşy
Ömrüň uzak bolsun ,ýollaryň ýagty
Alladan dileýän saňa ak bagty
Doglan günüň gutly bolsun söýgülim
Güller hem goşulýar gutlag sözüne
Bagt gülüp baksyn güler ýüzüňe
Ýowuz günler görkezmesin gözüňe
Ömrüň süýji datly bolsun söýgülim
Doglan günüň gutly bolsun söýgülim!!!