Çagyrsam kyn günde, görjek halymy,
Howplardan apalajak janymy,
Ýalbarsam bagyşlap eştjek zarymy,
Beýik Allahyma sygynýan diňe.

Bilyän Hak öňünde, günälerim köp,
Toba etsem aglap baryn etjek dep,
Zyýan özümdendir, Ýaradandan nep,
Duşman etme öz-özüme Allahym.

Ryskym beren sensiň, berjegem özüň,
Haramdan daş eýle, dogra tut gözüm,
Azaşdyrma ýalan çykmasyn sözüm,
Atlaryň dilimde sena  Allahym.

(Beýik Rebbim, mätäç etme hiç kime,
Senden diläp, senden alaýyn diňe)
Nebsim bilen ýalňyz goýma hiç bile,
Şeýtanyň ümünden gora Allahym.

Gollarym özüňden özgä serdirme,
Dosta mätäç etme, duşman güldürme,
Mejburlykdan belent başym egdirme,
Başym diňe saňa sejde Allahym.

Ýöret saňa barýan ýoluň üstünde,
Goýmaweri nähaklygyň astynda,
Jadygöýleň demi, gözleň astynda,
Pena isläp sygynýaryn Allahym.

✏ Gurbanmämmet MEREDOW.
Siziň pikiriňiz möhüm