Herne seni gören wagtym
Oýnap-gülseň, ynjalaryn
Irde-giçde meniň bagtym
Bolup gelseň ynjalaryn

Sözleriňe tutup perde
Goýma meni agyr derde
Ýolda – yzda … ähli ýerde
Ýada salsam ynjalaryn


Aýytdyrman sözüň yzyn
Diýjegime düşün özüň
Kän çekdirip ýörmän näziň
Ýarym bolsaň ynjalaryn

Mençe söýen däldir Tahyr
(Öwünjeň bor aşyk jahyl)
Maksadyma ýetip ahyr
Seni alsam ynjalaryn


Kän gyzlara nazar aýlap
Bahar seni tutdum saýlap
Bile durmuş toýun toýlap
Bile … ölsem ynjalaryn