AWÇY, ATMA JERENI!

Awçy, atma jereni!
Onda uly arzuw bar.
Intizar ol gör ony,
Ol kanala garaşýar.

Gör injigi injejik,
Suw diýip köp ýörmekden.
Mahrum etjek sen niçik,
Ony kanal görmekden?

Sanalyja gün galdy,
Arzuwyna ýeterne.
Kanal çöle ýol saldy,
Gelýär jerenleň ýerne.

Kanal gumy boýun edip,
Geçsin, çöli suwarsyn!
Owlaklaryn oýnadyp,
Jeren-de suwa barsyn.

Awçy, atma jereni!
Onda gowy arzuw bar.
Gowy arzuw seni
Etsin oňa rehimdar.

Rehmet SEÝIDOW.