DURMUŞA SYN
Bu durmuş däldir ejeň,
Gözle kynçylykda tär.
Eliň tutmakdan geçen,
Ýykylsaň, güljekler kän.

Daşdan gatydyr başyň,
Ejizligi elän -- är.
Çeýnäp oturan aşyň
Agzyňdan aljaklar kän.

,,Yşk" boldumy güýmenje,
Hem wagt geçirmäge kär.
,,Men ýaryň!" diýp gülenje,
Ýasama gurjaklar kän.

Ýalan -- ýarany ogryň,
Ýaman niýetlerden dän.
Indi sözleseň dogryň,
Depäňden urjaklar kän.

Bezese, hoş gylygyň,
Ynsan bary ýaman däl.
Müň şükür, ýagşylygyň
ýolunda durjaklar kän.

Nury SAKÇYÝEW.