1. Çörekçileriň we aşpezleriň piri – Jebraýyl perişde;
2. Ýeliň piri – Mirhaýdar baba;
3. Sebet örmegiň we suwuň piri – Süleýman pygamber;
4. Çölüň piri – Hydyr ata;
5. Demriň we ussaçylygyň piri – Dawut pygamber;
6. Düýäň piri – Weýis baba;
7. Goýnuň we çopançylygyň piri – Musa baba (Musa pygamber);
8. Ýigitligiň, öýlenmek ýa-da at almak isleýänleriň piri – Soltan Hüpbi;
9. Sygryň piri – Zeňňi baba;
10. Gök gümmürdisiniň piri – Gümmür mama;
11. Ýagşyň piri – Burkut ata;
12. Sazyň piri – Babagammar;
13. Daýhançylygyň piri – Babadaýhan;
14. Oduň piri – Oraz baba;
15. Mertligiň, edermenligiň, urşujylaryň piri – Hezreti Aly;
16. Zergärleriň piri – Baýrat göweç;
17. Ýaby, alaşalaryň piri – Welpeteň garyp;
18. Dal bedewleriň piri – Düldül ata;
19. Geçiniň piri – Göwender baba;
20. Awçylygyň piri – Awlarmyş ata;
21. Bela-beterden goraglylygyň piri – Gaýtarmyş ata;
22. Endam ýaralaryndan halas ediji pir – Gotur ata;
23. Towugyň piri - Pälwan ata Ödemämmet;
24. Geýim-gejimiň piri – Idris baba;
25. Dellekleriň we sertaraşlaryň biri – Hezreti Salman al-Farisi ( Salman baba, Muhammet pygamberiň sahabalarynyň biri);
26. Ýitigiň (ýiten zatlary tapmagyň) piri – Käkilik ata (Käkilik öwlüýä);
27. Halys tapylmaýan zatlary tapmagyň piri – Şyhym Pukara – Hütdükgyz;
28. Ýoluň, ýolagçylygyň piri – Meşrep diwana;
29. Aşyklaryň, aşyklygyň piri – Züleýha (Zylyha) bibi;
30. Saglygyň piri – Lukman hekim (Abu Aly ibn Sina);
31. Küýzegärleriň, küräniň (küýze, kerpiç bişirilýän peç) piri – Mirkülal baba;
32. Gepe-söze suwara, dilewar adam¬laryň, şahyrlaryň pi¬ri – Möwlana Jelaleddin Rumy;
33. Jykyryň piri – Nalaç baba; (Jykyr – suwuň derejesinden beýikde ýerleşýän ekin meýdanlaryna suw çykarmak üçin ulanylýan gural);
34. Agajyň we gäminiň, gämiçiligiň piri – Nuh pygamber;
35. Göwreli aýallaryň we halallygyň piri – Paraw bibi;
36. Tamdyryň piri – Pir Pugta ýa-da Pugta baba;
37. Jomartlaryň, sahylygyň piri – Sahy Sagdy Wakgas;
38. Diş agyrynyň piri – Sarsgyn baba – Hoja Abdylla Ensary (Hoja Abdylla baba);
39. Gyrkymyň piri - Sümsük-Sümek baba;
40. Juwazyň piri – Ussa Badýan (Juwaz – künjiden ýag sykmak üçin ulanylýan gural);
41. Ogrularyň, ogurlygyň piri – Şeýtan – Ýelkildik baba;
42. Guýynyň piri – Şyhy Zinde;
43. Ymaratyň (gurluşygyň), milletiň piri – Ybraýym pygamber (Ybraýym Halylulla). Ybraýym Halyl¬ullanyň ymaratyň piri hök¬münde tanalýandygynyň sebäbi ol Mukaddes Käbäni ilkinji guran hasap-lanylýar;
44. Söwdanyň piri – Ymam Agzam;
45. Noýbanyň we mäşiň piri – Ysmaýyl goja;
46. Ýüpek gurçugynyň piri – Eýýup pygamber;
47. Ýaralary gutuldyrmagyň piri – Äraly pir (Keminäniň halypasy);
48. Gamyş kepbäniň, çatmanyň piri – Ýalaňaç baba.

WEBGIŇIŞLIGIŇ PIRLERI :-)

1. Internetiň piri - Gugl baba;
2.Maglumat tapaganlygyň piri - Wikipedýa akga;
3.Boş kikirdemegiň we wagt öldürmegiň piri - TikTok kel;
4.Gybatyň hem güpülemegiň (özüňi öwmegiň) piri - IMO ýeňňe;
5.Wiruslardan goranmagyň piri – Antiwirus ata;
6.Web hat-habar alyşmagyň piri – Imeý daýy...

Yzynam dowam edibermeli... :-).