Edebiýat

Mumiya 09 янв 2023, 15:21

MEN UÇMAK ISLEDIM..

"MEN UÇMAK ISLEDIM.."

"Guşlaryñ gaýyşy içimi ýakýar"

Men uçmak isledim,
Onda-da neneň?!
Arkamda asmany göterip mäkäm.
Bolmady...
(Bagyşlaň, hormatly mollum,
Ikilikçiligme guşlar günäkär).

Onsoň, ýerden ýyldyz çöpledim ýördüm,
Oýlamadym - gereksizmi, gerekli?
Kör teňňä geçmedi köne arzuwlar,
Soñ, özüme täze asman döretdim.

Emma jinnek ýalam peýda görmedim,
Uzak gije entäp, ýaşlygym yrýa.
(Şu asyrdan çöl tapmadyk mežnunlar
Serhoş bolup, özün asfalta urýar).

Besdir indi, meni erkime goýuň!
Gürrüñ bermäň - peýda näme, haýyr nä?
On bäş ýyllap çörek üçin okadym,
Haýry nä?!
Durmuşda näme gerekli?
(Maňa lezzet berýän sary ýapraklar
Köçe syrýan daýzalara ezýetdi).

Kanunlara baş göterdim şeýdibem,
Halys bolup "Ýeriň dartyş güýjünden".
Men uçmak isledim,
tussagdym emma
Ömürboýy atmosferaň içinde.

© Begençgeldi ORAZOW

https://edebiyat.clan.su/news/zeyrenc/2023-01-07-405

3 лайков 140 просмотров

Статистика

Mumiya

Сообщение

9комментариев

Чтобы оставить комментарий, необходимо на сайте.

Venus

09 янв 2023, 19:36

Salam. Başga goşgusy barmy?

kesirkelle

09 янв 2023, 19:48

Saňa şo bir zady gaýtalar ýörerin,
Nädip bolar seniň göwnüňe ýarap -
pikrin etmerin.
Bilýäň-ä, onsuzam işim köp meniň,
Men kowýan guşlary günorta tarap.

Ýarygije oýanyp, tukat şäheriň
Gussasyny ölçeýärin sönmedik
çyralaryndan.
Gyşa aşyk guşlaň sowukdan gatan
jesedini ýygnaýaryn ýodalaň
gyralaryndan.

Säher ýollaň çyralarny söndürýän,
Oýarýan ukusyz awtobuslary
Hem çekip bulutlaň şekillerini,
Ýüp bilen berkidip, göge asmaly.

Soň,
şäheriň adamlary irende,
Ýetimleriň hüwdüsine hiňlenýän.
Gün doganda, duralgalaň birinde
Gelmezmik-ä diýip garaşyp görýän
kimdir birine...

...Her gün öz-özümden gaçyp ýörün men,
Seni gujaklamda aglasym gelýär.
Özümi ugradyp başga ýerlere,
Menin seniň bilen galasym gelýär.

Begençgeldi Orazow

kesirkelle

09 янв 2023, 19:48

UZAK ÝAÝLADA ENÄNIŇ AGYSY

Duşman ýesir aldy hyýallarymyzy,
Gerek bolany üçin däl ýöne.

Elden aldy bagtly çagalygymyzy,
Bagt isleýäni üçin däl ýöne.

Bütin şäher içre gopdy harasat,
Şemal öwüsýäni üçin däl ýöne.

Emma munda dymýar ähli adamzat,
Lal bolany üçin däl ýöne.

Bäbekler çyrlaýar ah-u nalaly
Bäbek bolany üçin däl ýöne.

Gundaglar öwüsýär al-gyrmyzy,
Asyl reňki bolany üçin däl ýöne.

Ýüreklerimiziň gaçdy ysgyny,
Söýgüden ýananymyz üçin däl ýöne.

Undulan şäherde her öý tüsseli,
Gyzgyn nahar bişýäni üçin däl ýöne.

Ene zaryn... üwreýär öz balasyn,
Hüwdi däl ýöne.

Şu zatlary gören haýsy göz aglamasyn,
Aglamak üçin diňe göz gerek däl ýöne.

Begençgeldi Orazow

kesirkelle

09 янв 2023, 19:49

GUŞLAR ERKINLIGI KÜÝSÄN MAHALY

Şadyýan günleriň reňki öçmesin,
Jany jehenneme resmiýetleriň.
Serhedin ýykaly bir bulgur bilen,
Akyllysumaklaň sesi ýetmesin.

Ruhuňdan sogrup zyň gandallaryňy,
Şugünlik howlukma barjak ýeriňe.
(Guşlar erkinligi küýsän mahaly,
Gujak açyp,
özün
taşlar zemine.)

Bahar gelse her kim owadan bolýar,
Fewral, ana, hut şoň üçin howlukmaç.
Guşlar geler diýip bu jalaý baglar,
ýeňsesinden ösdi:r uzyn buýra saç.

Käte asman ýagar,
eziler ruhuň,
Uzakly gün gelmez öýe giresiň.
(Ýagyşy menem gowy görýän,
az owlak,
şonda köwşüm suw geçirýär diýmeseň.)

Owarram,
şat ýüzüň solmasyn mydam,
Ýaşasa bor jübiň deşik, köpüksiz,
Bulutlaň üstünde aýagmyz sallap,
Oturmagyň hyýalyny gursak biz.

…Şeýdip, kellämdäki ala-gopgunly
pikirlerimden men ozjak bolýaryn.
Men bir ala-sam.syk, köplüge giren,
Şu bolşuma goşgam ýazjak bolýaryn.

Begençgeldi ORAZOW.

kesirkelle

09 янв 2023, 19:52

ZEÝRENÇ II /Begençgeldi Orazow

Ruhuňy ürküzýär deňziň gomlary,
Döndüň umman içre gorkak gaýyga.
Indi uçmaga-da höwesiň gaçdy,
Kaýyl bolup ýaşap ýörsüň aýlyga.

“Gursagymda ýeke setir galmady,
Ýüregmi (agzymdan) gusasym gelýär.
Şaýym çykmasa-da bir däne çilime,
Az-owlak ýygnanyp gidesim gelýär.

Hamala öýkenim agralýar kem-kem,
Dem alsam
Çyg çekip, gatan sement deý
… ”
Bir gije duýdansyz goştorbaň bilen
Çykyp gaýtdyň, güm bolup bu sebitden.

Gitdiňem-dä,
ýeri, onsoň, kelläňden,
Sogrup bildiňmi bir, ruhuň gohuny?
Aňsatmy, nä, äpet göwräň içinde
Göterip gezmeklik serçäň ruhuny?!

kesirkelle

09 янв 2023, 19:53

* /Begençgeldi Orazow

Bulutlardan ýorgan ýapyň üstüme,
Salyň gujagyna täzeje Aýyň.
Gursagyma guýuň ak hüwdileri,
Üşesemde bir salymlyk uklaýyn.

Uklan çagym gabaklarmy açyň siz,
Goý, gije ýyldyzlar girsin düýşüme.
Säher näme bolsa şo bolsun,
Ähli
ýyldyzlary gözlerime üýşüriň.

Bir mahallar süýnüp gitdi gözlemden,
Siňip gitdi ak daňa…
…Bir enäň garnynda ýaňadan dörän
çaga deýin
Kiçijik elimde gysyp saklara —
Gijeden bir ýyldyz goparyp beriň!

kesirkelle

09 янв 2023, 19:57

HASSALYK / Begençgeldi Orazow

Bu şäherde üýtgeşik bir bagt bar,
Penjiresi yşyk saçýar her öýüň.
…Halys öwrenşemok men beýle bagta,
Meni şu şäherden çykaryp kowuň.

Köçelerde gatnaw-gatnaw adamlar,
Nirden gelýär,
Nira barýar –
Bilen ýok.
Menem biri taşlap gitdi şu ýere,
Kimdigini, nirdeligni bilemok.

Sowuldy jebirli günleriň ýasy,
Gopup gitdi ýaralaryň kesmegi.
Tenha köçeleriň diwarlaryna
Siňipdir sergezdan itleň sesleri.

Sany-sajagy ýok jogapsyz jaňlaň,
Islemeýän ýakyn dostdan haraýam
(Meni çyn ýürekden söýen adamlar,
Siziň ähliňizden ötünç soraýan).

Birmeňzeş günleriň sagady durdy,
Ähli otaglardan öz sesim gelýär.
Ýüregimde bir hassalyk bar, dogan:
Kimi söýsem, şondan gidesim gelýär.

Venus

10 янв 2023, 08:37

kesirkelle,
Başgada barmy?

kesirkelle

11 янв 2023, 16:30

Bolmaly?!

Следующий пост

#	Показатель	Значение
1	Просмотры	140
2	Взаимодействия	3
3	Лайки	3
4	Дизлайки	0
5	Рейтинг	+3
6	Комментарии	9

Прямой эфир

Edepli Gödek

27.11.24

Öz diliňde makala aç sen ilki. Onsaň gürleseňem bolar. Terjime edip aç. Ýa-da

Müsürde şa bolandan öz ýurdyňda geda bol!

Dowsypat

26.11.24

Seneca_13, Hiç zat etmezden, tomaşaçy bolup, seredip oturmagam bolmaza?!

Käbir gürrüňler

Seneca

Dowsypat., Ahlak polisiýasy bilen zat çözüp bolmaz, diňe beterleşdirip bolar.

Aýal-gyzlaryň bu gidip baryşy bilen, 5-10 ýyldan bizde-de "ahlak

Гость

24.11.24

Soho, kanagat edilman gidilyani dogry. Yone sol az aylygam oyunden gatnap islap

foruma geliň

Hemmesinede yokary bilimli,professional immigrantlar gerek.Diňe orta bilimi

Soho

Гость, Myhmanjan, bäriň iş hakyna kanagat edilmän gidýänlerini bilýän, dogry

Maksat

Hic yerdede ansat ish yok pul agacda osenok , amerikada ishleyan her gun 12

Гость, Gaty bärden pikir ýöredýäň. Eger ýigit "men 4-5 ýyl işläp, ilki bir

Soho, öýüne golaý ýerden iş tapylmansoň gidip işlenýäda jan agam ))) Keýpine

"gelninini alyp gitmeli eken" - diýipsiň. Seret, indi bir zada

23.11.24

Aýal ucin iki yol bar: 1.Äri hemişe ýanynda bolýar.Ýöne,

Dowsypat., Gidesi gelmän gitmäge synanyşmak ýerine, gelnini alyp gitmäge ýa-da

Täze gelnini taşlap kimiň gidesi gelýändir öýdýäň daşary ýurda.Toýuň

#B.S

Gowy gyzlarymyz bardy Durmuşa çykyp gitdiler mikä ýa-da. Saýtdaky gyzlara

Gidenler ozdurdy galan ne gördi...

_Bayat, bolya duzederin

Massimus

Edil özümä şu gazanç üçin ýyly ojagyny taşlap gidilmeginde hiç hili erbetlik

Abaddon, howwa edipsiň wölün ýöne wara başşyk şu "Вы опубликовали 847

22.11.24

Massimus, Meniň ýazýan zadym meniň pikirimdir. Şeýle-de, heniz bir aý geçmänkä

_Bayat, men elimde baryny etdim indi size bagly

Durmushda sheyle bir cykgynsyz yagdaylar bolyan eken oz mashgalany cagalaryny

Gowy pikirleriň bar, ýöne meniň pikirimçe diýip goşmagy ýatdan çykarypsyň.

Abaddon, direldewweriñ onda. Direlse gowy

_Bayat, direlderis , puls bar oza

Gorkuzmayda beydip meninem ayalym oyde 😂

Her durli yagday bar,her durli erkek bar,her durli aýal bar.

Kimdir futbolça balet edyar,kimdir futbol kluba.

21.11.24

Meň düşünjäm:ä başga bir ýere gidip işlemek ýalňyş pikir, öýüňe golaý ýerde

20.11.24

Belli günlerine gelip gidýäs özä bizemä. Pahyr gowy saýtdy... Direläýermikä..?

19.11.24

Täze öýe göçen ýaly öwrenişmek kynam birbada, mowzugam Anonimna çykypdyr

MEN UÇMAK ISLEDIM..

Каналы

Прямой эфир