***

Böwenjik deý pökgerýärsiñ kämahal,
Wagtal-wagtal hepbik bolup igleýäñ.
Ýallandyryp bilmesem-de dowamly,
Hoşal sabyryña: "Men aç" diýmeýäñ.

Hemra edip alan günümden bäri,
Baş-aýaksyz garnyň doýuryp gezýän.
Ýakynym sen, bolmasa-da ant, wepaň,
Seni unutmaga hetdim ýok, bilýäň.

Çünki sen abraýmyň geýnen geýimi,
Aladaň az bolsa, bu meniň günäm.
Emma berkiräk bol, sepiň açylyp,
Meni birden salaýma sen kyn güne.

...Gyşda penjegimde, howa maýlasa,
Köýnegimiñ kisesinde göterýän.
Seni asylha-da halaýan welin,
Doly wagtyñ juda, juda eý görýän.

***

Men bir bent ýazdym:
Süýji agy bilen başlanýan,
Dowamy duýguly, lezzetli,
Soň alada ýazyp gidýän,
Kä ýerinde gussa çekýän,
Ýazla-ýazla, iň soňy hem
Ajy agy bilen soňlanýan...

Men bir pent ýazdym!

Wepa Pirnepesow