Ejeme hat
(Gysgaltdym)
Eje, seni şeýle göresim geldi,
Görüp zenanlaryň "eje" bolşuny.
Aglamaýanlaram agladýan eken,
Görseň zenanlaryň çaga dogşuny.

On ýyl geçenden soň ýetip arzuwna,
Hamyla bolupdyr Suraý gelneje.
Ýöne dogulmanka ölüp çagasy,
Bolup bilmän galdy ol gelin "eje"...

...Bu gelinleň derdi özüne ýetik,
Gürrüň berse, bihal gözüň ýaşlanar.
Durmuşy görmedik "men çaga" üçin,
Şeýle synag döwri bir gün başlanar.

"Ene mährindäki" zenanlaň haly,
Göýä lezzetli hem ýaramaz ýaly.
Käbäm saňa ýene bir zat aýdaýyn,
Eje, seni şeýle göresim geldi!
28.02.2023ý
Aýgül Ýazweliýewa