Göresim geldi
Her güni  men seni ýatlaýan janym
Söwer ýarym seni göresim geldi
Her gije men seni küýseýän janym
Söwer ýarym seni göresim geldi

Şamar ýaly gözel saçyň sypalap
Uzyn boýly, inçe biliň gujaklap
Mähir bilen ajaýyp görkiň synlap
Söwer ýarym  seni göresim geldi

Küýseýän her güni ol gara gaşdyr
Ýatlasam ol gaşy gözlerim ýaşdyr
Barjak bolsam bügün aramyz daşdyr
Söwer ýarym seni göresim geldi

Şanyňa düzýärin şygrymy janym
Senden ylham alýan damarda ganym
Ýeketäk söýgülim sen mähribanym
Söwer ýarym seni göresim geldi

        Jumamyrat Annamyradow