“MENI MENDEN GUTAR, KAKA...”
Meni menden gutar, kaka,
Bir sen ýalňyz halasgärim.
Özümi özüm iýip ýör,
Jigerbendine söýgüden,
Eý, hiç haçan halas dälim!
Köňül sandygym açaýyn,
Egis, kaka, gussalarmy.
Ýogsa, heýem, dünýä aşyk
ogluň dünýeden gitmäge
Beýle zol-zol gyssanarmy!..
Janym janyňdan bölünen,
Rehmiň gelsin ülüşiňe.
Birmahalky alçaklygma,
Birmahalky gülüşime
Dola meni!
Öwrüleýin
Birmahalky özüme men.
Eser boljakdym aýratyn,
Döndüm birje bölümiňe...
Öz-özümden gutulaýyn,
Gaýry dertden gutulmankam.
Bir sen ýalňyz halasgärim,
Meni menden gutar, kaka!..
✏Sapa HOMMADOW
Bir sen ýalňyz halasgärim.
Özümi özüm iýip ýör,
Jigerbendine söýgüden,
Eý, hiç haçan halas dälim!
Köňül sandygym açaýyn,
Egis, kaka, gussalarmy.
Ýogsa, heýem, dünýä aşyk
ogluň dünýeden gitmäge
Beýle zol-zol gyssanarmy!..
Janym janyňdan bölünen,
Rehmiň gelsin ülüşiňe.
Birmahalky alçaklygma,
Birmahalky gülüşime
Dola meni!
Öwrüleýin
Birmahalky özüme men.
Eser boljakdym aýratyn,
Döndüm birje bölümiňe...
Öz-özümden gutulaýyn,
Gaýry dertden gutulmankam.
Bir sen ýalňyz halasgärim,
Meni menden gutar, kaka!..
✏Sapa HOMMADOW
Комментариев нет
Чтобы оставить комментарий, необходимо на сайте.
