Owadan gelin

Günde görýän seni başyñ ýalykly
Beýhuş edýäñ baksam owadan gelin
Bilmedim men haýsymyzdyk ýazykly
Kim kimiñ bagryny suw eden gelin

Seni aýyplaman hiç bir etmişde
Bar günä mendedir öten geçmişde
Özüm bagyşlaman altmyş ýetmişde
Ýere girip siñsem howada gelin

Yşkym alawlaýar durman çeninde
Müşk ysy bark urup geçsem deñinden
Armanly men dişläp durup ýeñimden
Ýürek howrum görsem sowadan gelin

Ýanyñndaka kimiñ gadry bolupdyr
Giderensoñ güler ýüzler solupdyr
Şirin janym çykyp läşim galypdyr
Şat eýlegin ruhum dogada gelin

Resulberdi kim señ ýoluñ baglady
Aýtsañ bolmadymy diliñ lalmydy
Özüm aklamaga sözüm galmady
Senä aksyñ hatda guwadan gelin

Resulberdi Rahmanow