Ejeler dözmeýär

Ejeler dözmeýär, olar bagyşlar,
Ähli günäleriñ kakar üstüñden.
Köne ýamagyny täzä çalyşman,
Geýindirer söýgiñ muhabbetinden.

Ejeler dözmeýär döken ýaşyña,
Döreder aýazda ýyly ýazy ol.
Ömürlik bagş etsem saña janymy,
Peşgeş beren bir günüñe razy bol.

Ejeler dözmeýär mydama söýer,
Hat-da düýşünde hem seni soraýar.
Müñ bela asmandan düşse başyña,
Dileg - dogalary seni goraýar.

Ejeler dözmeýär, kimler dözse-de,
Ýakyn saýan dostyñ, ýaryñ terk eder.
Sen dünýäden üzñe galan mahalyñ,
Käbäñ bar dünýäni saña berkider.

Ejeler dözmeýär, başyñy sypar,
Mañlaýyndan ogşa aýagyna ýykyl.
Razy etseñ jennet bagtyny berip,
Söýgüli gulysyñ onda sen Hakyñ.

Ejeler dözmeýär, sen neneñ dözjek,
Togap et, tagzym et mukaddes kalba.
Barlygym, baýlygym, seždegähim sen
Ejemjan bar Şükür Alhamdullilah!!!

Jemšit Hajymämmedow