Diýme...

Maňa däli diýmesene ezizim,
Dogry , boldum men dälileň dälisi.
"Men-men" diýen dälileriň içinde,
Barmy meniň ýalysy?

Il däliräp dälihana düşseler,
Men däliräp düşdüm şygyrýethana.
Derdim gizläp gezip ýören hassa men,
Derdim agyr mätäç birje dermana.

Geläýsene ak ýektaýly lukmanym,
Derdim agyr däri-derman etmeseň.
Sensizlikde bolaryn men syrkawyň,
Meni bu halymda taşlap gitme sen .

Diýme maňa däli diwana şahyr,
Sen derdime derman bolmaly ahyr.

© Gerçeknazar Amannazarow