Bosagasy altyn, gapysy tylla,
Atam öýüm ähli öýleň gowusy
Diwarlary kakamjanyñ penasy,
Ornaşan ejemiň nanynyň ysy.

Sandygymyz çagalygymyzy gizlän,
Aýnalarda siñip galan ýaşlygym
Doganlarym bilen üýşen mahalym,
Tapýan goýup giden göwün hoşlugym.

Ejemiň tamdyrnyň aýlanyp daşyn,
Abadanlyk, abatlygy dilänim,
Käte durmuş buz guýanda depämden,
Ojagyna çoýunanym, ýylanym.

Dowamatym dolduryp dur yzymy,
Gaýtalanýar biziñ öñki keşbimiz,
Atam öýüm -ähli öýleñ gowusy.
Bosagasy altyn, tylla köşgümiz.

Awtor: ?