Pelek synaglary bükdüle bilim,
Şükür goldawyma bar ulus ilim,
Sen bar garaňkyda ýitirsem ýolum,
Saňa kän kän diýjek arzym bar ejem!

Ýazgyt daş beräýse gemrip geçerin,
Synaglaryň dagyn ýümrüp geçerin,
Kä ýeňerin käte ýeňlip geçerin,
Ýüregimde isleg arzuw bar ejem!

Biziň üçin çekdiň käte güzabam,
Ödärinmi maňa eden azabyň,
Günälermi bagyşlarmy mizanyň,
Dergähiňde ýene karzym bar ejem!

Gözleriňde mähir söýgi hümmet bar,
Aýaklaryň aşagynda jennet bar,
Şu dünýäni peşgeş etdiň minnetdar,
Öňüňde üzülmez parzym bar ejem!

Süleýman Tekäýew