Az däldirle dert çekenlem,
Daş çykdy gül diýp ekenlem,
Durmuş juda kyn ekenle,
Aýagyň eliň bolmasa.

Görenlermi düýşdir öýtjek,
Ýazgydyňdan gaçyp nätjek,
Aýt derdiňi kime aýtjak,
Gepläre diliň bolmasa.

Käte geň görüp bakyşar,
Gussa üstüňe çöküşer,
Hasratyňy kim çekişer,
Gaýratly biliň bolmasa.

Gussalardan şatlyk ýasap,
Gidip barýaryn alňasap,
Görenoklar adam hasap,
Jübüňde puluň bolmasa.

Ölüm sen bir gyssamagyn,
Wagtym gelse gyssanaryn,
Müň bägüli ysgamagyn ,
Öz söýen gülüň bolmasa.

Bir gözelem salyp yşga
Ýar bolmady köňül köşge,
Dertlermi ýazmazdym goşga,
Janyma zulum bolmasa.

Gitsem barmy göz ýaş dökjek,
Tapylar tans edip bökjek,
Adamzatdan her zat çykjak,
Ahyry ölüm bolmasa.

Ajyz men öňe giderden,
Düşürdi synag mydardan,
Allajan neneň çydardym,
Seň söýen guluň bolmasam.

Süleýman Tekäýew