Belent başym peselmez,
Ýaman dostum köpelmez.
Arkamdanam gep etmez,
Şir dek doganym bolsa.
***
Abraýym pese düşmez,
Kynçylyk başa gelmez.
Ýüzümde gynanç bolmaz,
Beýik doganym bolsa.
***
Dert, gaýgy başa gelmez,
Illerden kemim bolmaz.
Ol dok saklar aç goýmaz,
Hakdan doganym bolsa.
***
Hasyl eder ýok diýmez,
Birem üstümden gülmez.
Ol barka ýaşlyk solmaz,
Jady doganym bolsa.
***
Ýere göz ýaşym dammaz,
Meni hiç ýeke goýmaz.
Şol barka ýürek durmaz,
Ýeke doganym bolsa.
***
Edil şol ýaly söýmez,
Başgaň söýgisi bolmaz.
Barlygy maňa derman,
Söýýän doganym bolsa.