Suratlar seni küýsedýär,
Açyp geçmişiň gatlaryn.
Henizem jogapsyz ýatyr,
Saňa ýazan şol hatlarym.

Ol hatlarda jemlenipdi,
Arzuwlarym armanlarym.
Gowuşmadyň wysalyma,
Galdyň kalpda arman bolup.

Suratlar seni ýatladýar.
Ýene-de dursyň ýylgyryp.
Duzlanan ýürek ýaramy,
Unutdyrmady ýyllaram.

Ajyly,awuly sözleň,
Ömürlik çykmaýar ýatdan.
Suratlar seni küýsedýär,
Olaryň baryn bir otda,

Ýaksana, ýatsana indi.
Eýýäm gijäň ýary boldy.
Ýaşlygym ýatlama indi,
Olam özgäň ýary boldy.

09.01.2024

© Gerçeknazar Amannazarow.