Müň hyýal myhman serine,
Kalby göçgünli ýaşlygyň.
Gözlegindedir ýaş ýigit,
Mydam şähere aşmagyň.

Obaň asuda durmuşy,
Däl indi oňa güýmenje.
Ýokuş degjek ýaşulylaň
Biri ýerliksiz igense.

Iş, okuw, täze tanyşlyk,
Bahana gytmy gitmäge?
Howlugýar ýigit gün-günden,
Arzyly bagta ýetmäge.

Şäherden gelen myhmanlar,
Oň üçin hormatly hasam.
Kim bilýär, belki-de biri,
Eder arzuwyny hasyl.

Artýar gün-günden höwesi,
Gutaryp barýar sabry-da.
Ol alyp goýdy bireýýäm.
Şäherli ençe tanyşlaň,
Ýaşaýan ýerni salgy-da.
Ýigit şähere howlugýar...

Aşyr Hanow.