Seň üçin
Men aşyky perwana
Diňe seň üçin.
Yşkdan ýaňa diwana
Diňe seň üçin.

Ýürek hasta, bimar-a
Lukmanym tapmaz çäre.
Köňül guşum awara
Diňe seň üçin.

Gaşlarym keman eýläp,
Kaddy-kamatym bezäp,
Çekerin derd-u-azap
Diňe seň üçin.

Bolsam gyş däl ýazlaryň
Şirin mukam sazlaryň,
Mylakatly näzlerim
Diňe seň üçin.

Ýüregimiň her urgusy,
Wadada berk durmasy,
Gözelligi duýmasy
Diňe seň üçin.

Jahan Ataýewa