Men ýola çykýaryn, ýalňyz özümem,
Alyp barýar meni Şewrolet maşyn,
Dogrusy men ony sürüp barýaryn,
Aýly gije, ýyldyzlaryň astynda,
Hem gohy ýatyşan, tukat zeminiň,
Galmagalsyz çäkli zaman üstünde.
Şäheriň daşyna aýlaýan köçe,
''Kolsewoý'' köçesi, gutarnyksyz ol,
Yzda goýup, gaýgyny hem gussany,
Ýamany, ýagşyny yzda galdyryp,
Uly tizlik alyp barýar geljege,
Ýöne men undamok, ýatlamalary,
Öten-geçenleriň, hemem barsyny,
Ruhumy beýgeldýär olaryň ruhun,
Ýatlan wagtym, uly arkamdaky ýük,
Aýrylan ýaly meň göýä göwnüme,
Ýöne men barýaryn, ýekeje ýalňyz,
Körek ýanýan yşyklaryň astynda,
Gara düşek, ak zolagyň üstünde,
Tukat aýdym-sazlar, ýaňlanýar mende,
Otlanan çilimiň şytyrdysyna
Tüsse towsup çykýar, galýar armana
Sen ýadyma düşýäň,
Tukat gijeler,
Ýüregimiň hasratyny gozgaýaň,
Aklym sende galdymy meň, bilemok,
Söýgüm sende galdymy men bilemok,
On iki süňňüm özün duýýar şu mahal,
Tizlik alyslara äkidip barýar,
Aklymy-huşumy,
Meniň özümi,
Alyp uzaklara, geljek-geçmişe...
Gidip barýan ýeke - ýalňyz, bir özüm,
Geçip barýar deňämdäki maşynlar,
Yzy üzülmez ''Kolsowoý'' köçesinden...