Tebigatyñ kanuny bar şeÿleräk,
Gyzlar kakasyna meñzeÿärmişler.
Mümkin bardyr ÿa-da men duÿamok,
Sebäp eje saña deñeÿärmişler.

Ÿene seni göresim gelse eje,
Aÿna bakÿan her gün uzakly gije.

Keşbiñ çekilipdir nury didäme,
Bakyşlaryñ emaÿ bilen keşdeläp.
Kakam maña öten agşam şeÿ diÿdi:
"Gyzym sen ejeñe juda meñzeÿäñ"

Toÿ-baÿramda oba barsam şatlanyp,
Nätanyş adamlar derrew tanaÿar.
Ÿöne meni öz adym bilen däl-de,
"Zülşüñ gyzy" diÿip adym ÿaÿnaÿar,

Diñe keşbiñem däl beripsiñ ÿürek,
Çyndanam men saña meñzeÿän gerek?
Bahar Toÿlyÿewa