Meň ýazygym söýmek boldy, mähriban,
Hijranyň oduna atdym ýazymy.
Ýer ýegsana döndi, kalbym ýanardag,
Syçrap-syçrap men beýgeltdim özümi.

Ýöne welin sen gideňsoň, aý ýüzlim,
Bir çümmük umydym galmady meniň.
Men özümi ýalňyz duýdum, ýalňyzym,
Kalbym ýanardag deý aglady meniň.

Öýkämi ýazmadyň, howlukmaç gitdiň,
Gara dag men, ýumrulypdym öýkämden.
Sen gideňsoň kimler başym sypady,
Kimler gara sürtdi seniň arkaňdan.

Ýer ýegsana döndi, kalbym ýanardag,
Syçrap-syçrap men beýgeltdim özümi.
Ýöne welin tär tapmadym öýkäme,
Taý tapmadym gowzudara köňlümi