Otdan syçrap çykýan uçgunlar ýaly,
Söýgim uçgunlardan ot alyp barýa.
Soňy soňlanmaýan ýodalar ýaly,
Söýgim ýodalardan ýol alyp barýa.

Söýgim bilen bezäp aýly gijäni,
Ýyldyzlar söýgime şaýat, görsene
Kalbym bilen saýlap bagt bijämi,
Bagtym sonlanmajak heň bolup barýa.

Synlap gündiz günüň ýagty saçyşyn,
Arzuwlam güneş deý nuruny saçýar
Kalbym yzarlaýa syrly bakyşyn,
Gözlerin ýarama em bolup barýa.

Gülkinden dem berip jansyz bedenme,
Ruhumam täzeden aýaga galýar.
Bütin älem meni taşlap gidende,
Seň söýgin dünýämi gaýtaryp barýa

Bagty gözläp elewrämde her ýana,
Durmuş seni meň garşyma çykardy
Kebelek deý yşk odunda perwana,
Sen söýgime şärik, gül bolup barýaň.

Amangeldiýewa Aýna