Asmanyň manysyn, dünýäniň syryn
Durnalaryň setirinde okaýan.
Ýetmiş ýyllap aýra düşen mysaly,
Çygly ota kükregimi oýkaýan.

Bag astynda göge garap ýatyryn,
Düşek edip ýaş maýsaly topragy.
Barmaga gök ýuwa sarap ýatyryn
Men — dünýäniň daragtynyň ýapragy.

Unudýan özümi. Unudýan bada.
Ýaşyl tebigata siňýän-de gidýän.
Baky tebigatda,
Baky dünýäde,
Özümi gül, toprak, maýsadyr öýdýän.

Juda ir höwrükdim ýaşyl baglara,
Sähranyň üstünden öwsen şat ýele.
Şoň üçinem gussa batan çaglarym
Keselmi bejerýän tebigat bile.

Garylýan dünýäniň baky sazyna,
Deňiz bolup güwwüldeýän, güňleýän.
Goşulyp baldaklaň ýaş owazyna
Hiç wagt kesellämok,
Hiç wagt ölmeýän.

Adam ölüm diýip tapypdyr bir zat,
Ölüm näme?
Tebigata garylmak,
Bahara gül bolup getirmek şöhrat
Daň-säherler pyntyk bolup ýarylmak.

Dostlar näme,
Giden günüň atlarlar,
Birnäçe gün seni ýatlar-köýerler.
Çyn ýürekden köňüllerin daglarlar
Soňra?
Soňra aglamasyn goýarlar.

Ýöne ýyllar geçip, üýşüp deň-duşlar
Gök otuň üstünden basanda gadam
Otlar olaň aýagyna çyrmaşar,
«Saklan! — diýýän ýaly — mähriban adam.

Keýpiňiz neneňsi? Barmydyr bir tap?
Gezip ýörmüsiňiz başlarynyz jem?!»
Emma şol otlaryň ýüzüne garap,
Mendigimi bilmez olaň birisem...

Gurbannazar Ezizow

Waheý familiýadaşam eken .Jaýy jennet bolsun.

ViolinisT,Китапчы сайтында бар ялы бейлеки гошгуларам. Менде ачылмады йоне.,сиз барлап горайин.

GIÇ
Meň sözlermi diňlejegem bolma ýar,
Menden saňa, senden maňa peýda ýok.
Maňa menden sowlan tupan gargaýar,
Şol tupanda aýdym aýtjak şeýda ýok.

Tozan basdy Aşgabadyň depesin,
A men otla mündüm, otlap kalbymy.
Sen bilýänemdälsiň sary keteniň
Neçün geýdiň, gyra zyňyp gülgüni?

Köýnegňi, şol toý günüňde geýmeliň,
Men habarly, sen habarsyz bulardan.
Sen aglaman düşün aglap aýdanma,
Garaşmagyň giç bor gaýdyp gelerden.

Hem gül ýaňagymda seniň kebelek
Dodaklaňdan alynmadyk posalar,
Şol gülgün köýnegiň sary öwsende,
Şol toýuňda aýdylmajak tost olar.

Şyk-şyk. Otly gaýtdy peýdasyn alyp,
Tozan basdy Aşgabadyň depesin.
Posalarňa jogap bolmaz şonda-da,
Öp, mazarym, gelýän bolsa öpesiň.

Eziz Amannazarow.

Yash olen bolsa goshgularyndan chen tutsan onkologiya keseli bilen kesellane menzeya. Yatan yeri yagty bolsun

Imany hemra bolsun.

Gynandym gaty gynandym, jaýy jennetden bolsun??

Bokurdagym, gözim dolup... özimi zordan sakladym(işdedim) näme diýjegiñi biler ýaly dal...ýatan ýeri ýagty bolsun...

Yzyndakylara Alla sabyr bersin

Näme bolup ýogalypdyr mollym?!.

Özüni heläkläpdir.

Alla sabyr bersin ene-atasyna...

Gynanydrýan ýeri ölüp-ýitip ýok bolup gideñsoñ aýdýalar ruhyña goltgy bolaýjak sözleri...