Üstümizdäki  ýüzýyllykda  hirurgiýa  operasiýasyny  ýaş  çagalygyna garamazdan,  üstünlikli  geçiren  Akrit Jaswaldyr.  Ol  1993nji  ýylyň  23nji  aprelinde  Hindistanyň  Nurpur  şäherinde  dünýä  inýär.  Akritiň  tebigy  berlen zehini  ýokary  derejededir.  Ol  ir  ýöräp, on aýyň için de gürläp başlapdyr. 5 ýaşyndaka hat  ýazyp,  okap  bilipdir.  Dünýä  edebiýatyndan  Şekspiriň  eserlerini ürç  edip  okapdyr.  Şol  ýyllarda  himiýa, biologiýa,  botanika  we  anatomiýa  ýaly ylymlara  höwesek  bolup,  bu  ugurlara degişli  ençeme  işleri  öwrenipdir.  7  ýa şynda barmaklary ýanmakdan birleşen 8  ýaşlyja  gyzy  operasiýa  edip,  «Hospitalserli»  hassahanasynyň  lukmanlarynyň  ünsüni  çekmegi  başarypdyr. Şol  operasiýadan  soň  Akriti  Hindistan  lukmançylygyň  tebigy  berlen zehini  hökmünde garşylady.  Akrit  11 ýaşynda  Penjap  uniwersitetine  okuwa  kabul  edildi.  Ol  bu  uniwersitetde okan  iň  ýaş  talypdyr.  Akrit  häzirki wagtda  Hindistanyň  Çandigarh  şäheriniň  Penjap  uniwersitetinde  talyplara  sapak  berýär.  Onuň  Greýiň anatomiýasy,  hirurgiýa,  anesteziýa, anatomiýa,  fiziologiýa  we  beýleki okuw  kitaplary  bar.  Ol  çaga  wagty IQ  synagyny  tabşyranda  146  baha aldy.  Akrit  Jaswal  häzirki  wagtda  öz halkynyň  ruhy  sütünleriniň  biri  hasaplanýar.

 Kim Ung Yong heniz çaga wagty IQ test boýunça (210 baha) iň ýokary görkeziji  bilen  dünýä  rekordyny  goýdy.  Ol  1962nji  ýylyň  8nji  martynda Günorta  Koreýanyň  Seul  şäherinde fizika  we  lukmançylyk  ylymlarynyň professorlarynyň  maşgalasynda  dünýä  inýär.  Kim  bir  ýaşyndaka,  Hytaýyň altynjy  asyra  degişli  «Müň  nyşan» nusgawy  goşgusyny  öwrenipdir.  Ol koreý  elipbiýini  we  1000  sany  hytaý harpyny  ýat  bekläpdir. Üç  ýaşynda  hasaplama meselelerini  çözmäge,  iňlis  we  nemes  dillerini öwrenmäge  başlapdyr.  Kim  eýýäm bäş  ýaşynda  koreý,  iňlis,  fransuz, nemes  we  ýapon  dillerinde  gürläp bilýärdi.  Ol  Ýaponiýanyň  telewideniýesinde  çykyş  edip,  çylşyrymly differensial  we  aýrylmaz  hasaplama meseleleriniň  birnäçesini  çözüpdir. Şunlukda,  Kim Ginnesiň Bütindünýä rekordlar  kitabyndan  özüne  ýer  tapmagy  başarypdyr. Kim başlangyç, orta we ýörite orta okuw mekdepleriň şahadatnamalaryny baryýogy iki ýylda okap alypdyr. Soňra  Kim  Çungbuk  milli  uniwersitetine  ýazylyp,  gurluşyk  inženerçiligi öwrenip,  bu  ugur  boýunça  ylymlaryň doktory  derejesini  aldy. Kim 2007nji ýyla çenli Çungbuk milli  uniwersitetinde  işläpdir.  Soňra Şinhan  uniwersitetinde  işini  dowam etdiripdir.  2014nji  ýylyň  14nji martynda  ady  agzalan  uniwersitetiň dosenti  bolýar.  Yzysüre  Demirgazyk Kýonggi  Ösüş  Barlag  Merkeziniň wiseprezidenti  wezipesine  bellenýär.

Güneş žurnaly Noýabr 2022