Bir bakyşda söýgä ynanýaňyzmy?
Ynsan ruhyýetini ylmy taýdan öwrenen gadymyýet alymlary ilkinji garaýyşda söýginiň döremeýändigini bir agyzdan ykrar edýärler.
Söýginiň söýgi derejesine ýetmegi üçin birnäçe menziller gerek. Käbir alymlaryň aýtmagyna görä, ilkinji garaýyşda söýgi däl-de, höwes, meýil, daşky görküne bolan gyzyklanma we oňa bolan ymtylma döreýär. Çünki bir bakyşda garşyňda duran adamy doly tanamak mümkin däl!
Tanamaýan, bilmeýän zadyňy bolsa söýüp bolmaýar. Ol diňe maňzyndan bihabar bolup, gabygyna guwanmak ýaly bir zatdyr. Ýene käbir alymlaryň bellemegine görä, ilkinji bakyşda adamyň daşky keşbine, edim-gylymyna, hereketine, özüne alyp barşyna synyň oturýar. Köňlüňde oňa bolan ýagşy garaýyşlar, mähir ýylysy peýda bolýar. Emma, bu söýgi däldir.