Salam jankeýtalar! Soñky döwür saýtda işjeñligiñ pesligine tüýs ýüregimden gyýylýan.Munuñ sebäbi köpüñiziñ beýan edişi ýaly saýtyñ ýaramaz işlemegidir ýa-da öñ saýta işjeñ girýän agzalaryñ talyp bolup,okuw başagaýlygyna düşmegidir.Belkem,pikir alşyp bolaýjak mowzuklaryñ açylmaýanlygydyr.
Şu gün ýokarda agzan üçünji alternatiwimiñ takyklygyny barlap görmek maksady bilen şeýleräjik pikir alyşma mowzugyny açýaryn.
Bu sowaly bermek işdeşlerim bilen nobatdaky "ýygnagymyzda" kelläme geldi.Işdeş gelnejelerimiziñ biri ýoldaşynyñ uly ogluny halaman ikinji ogluny has halaýandygy hakda durup geçdi.Başga bir işdeşimem gaýnynyñ haýsydyr bir agtygyny beýlekilerden ileri tutýandygy barada aýtdy.Şonda başga bir işdeşim kiçijikkä enesi pensiýasyny alanynda çagalara pul paýlaýandygyny,şonda özlerine bir manat,oglan doganyna bolsa "Sen oglan çagasyñ"diýip iki manat berilenligini,her gezek şonuñ ýaly ýagdaý ýüze çykanynda goñşy otaga girip aglanlygyny gürrüñ berdi.
Bu gün şu meseläniñ üstünde durup geçesim gelýär.
1.Siz näçe dogan?
2.Doganlaryñyzyñ arasynda iñ söýüleni kim?
3.Ene-atanyñ perzentleri alalap söýmegine nähili garaýarsyñyz, şeýle ýagdaý başyñyzdan geçdimi ýa-da bu barada gören-eşdenleriñiz barmy?

Hemmejäñiz awtobusa münen bolsañyz,saýtyñ işjeñligini artdyrmak maksady bilen pikir alyşma mowzugyma işjeñ gatnaşmagyñyzy haýyş edýärin!
Hany onda gitdik!