UEFA Çempionlar Ligasynda “D” toparçada Real Madrid öz meýdançasynda Karim Benzemanyň gollary bilen Şahtýor Doneski 2-1 hasabynda utdy. Çempionlar Ligasyndaky gollarynyň sanyny 75-e ýetiren Benzemanyň 1-nji goly Real Madridiň şu ýaryşdaky saýlama tapgyrlaryny-da göz öňünde tutsak, 1000-nji goly hökmünde hasaba alyndy. Bu ugurda Reala iň golaý klub 768 golly Bawariýa toparydyr. Şahtýor Doneskiň ýeke-täk goluny 39-njy minutda Fernando geçirdi. Ukrain klubunyň futbolçylary şu möwsümde UÇL-däki ilkinji goluny 43-nji urgudan soň derwezä girizdi.

Toparçadaky beýleki oýunda Şerifiň şemalyny Inter ýene bir ýola ýatyrdy. Italiýadaky 3-1-lik hasap Tiraspolda gaýtalanyp, Interiň gollaryny Brozowiç, Şkriniar hem-de Sançes geçirdi.