Koreýa Halk Demokratik Respublikasynyň ýaryşdan çekilmegi sebäpli, Halkara Hokkeý federasiýasy dünýä çempionatynyň üçünji dwizionyndaky duşuşyklaryň geçiriljek günlerine käbir üýtgeşmeleri girizdi. Bu barada federasiýasynyň resmi saýtynda habar berildi.

Täze düzülen senanama görä, Türkmenistanyň hokkeý ýygyndysy dünýä çempionatyndaky ilkinji duşuşygyny 3-nji aprelde Birleşen Arap Emirlikleriniň ýygyndysy bilen geçirer. Bu duşuşyk Aşgabat wagty bilen agşam sagat 18:30-da başlanar.

Milli ýygyndymyz şondan iki gün soňra ― 5-nji aprelde ýer eýeleri ― Lýuksemburgyň ýygyndysy bilen duşuşar. Bu duşuşygyň Aşgabat wagty bilen agşam sagat 22-de başlanmagyna garaşylýar.

Biziň ildeşlerimiziň üçünji garşydaşy 7-nji aprelde Taýwanyň ýygyndysy bolar. Duşuşyk Aşgabat wagty bilen agşam sagat 18:30-da başalanar.

Türkmenistanyň hokkeý ýygyndysy iň soňky duşuşygyny 8-nji aprelde Türkiýäniň ýygyndysy bilen geçirer. Duşuşyk Aşgabat wagty bilen sagat 18:30-da başlanar.

Biziň ýygyndymyzyň dünýä çempionatynyň üçünji dwizionynyň «A» toparçasyna wekilçilik edýändigini ýatladýarys. Ozal bu toparçada KHDR-niň ýygyndysy hem bardy, ýöne bu ýygyndy ýaryşdan çekildi. Toparçanyň duşuşyklary Lýuksemburgda geçiriler.
Türkmenistanyň hokkeý boýunça milli ýygyndysynyň dünýä çempionatyna gatnaşjak düzümi belli boldy. Ýygyndymyz Lýuksemburgda geçiriljek dünýä çempionatynyň üçünji diwizionynyň «A» toparçasynda bäsleşer. Bu barada Türkmen Sport habar berýär.

Türkmenistanyň hokkeý ýygyndysy dünýä çempionatyndaky ilkinji duşuşygyny 3-nji aprelde Birleşen Arap Emirlikleriniň ýygyndysy bilen geçirer.

Hokkeý boýunça milli ýygyndymyzyň dünýä çempionatyna gatnaşjak düzümi:

1. Rahman Myradow (1 belgi);

2. Keremli Çaryýew (20);

3. Nikita Awdeýew (4);

4. Amangeldi Aganyýazow (8);

5. Döwlet Hydyrow (7);

6. Aleksandr Wahowskiý (19);

7. Ahmet Gurbanow (13);

8. Baýmyrat Baýmyradow (21);

9. Ewald Gaýer (5);

10. Muhammetýar Nuryýew (11);

11. Pawel Barkowskiý (6);

12. Arslan Geldimyradow (10);

13. Begenç Döwletmyradow (17);

14. Musa Annasaparow (23);

15. Erkin Kakabaýew (12);

16. Çary Çaryýew (9);

17. Öwezguly Esenow (22);

18. Arslan Amanow (16);

19. Serdar Kakajanow (14);

20. Perhat Atekaýew (15).