APL-iň iň ýokary hak alýan futbolçysy belli boldy
«Liwerpulyň» müsürli hüjümçisi Mohamed Salah Angliýanyň premýer-ligasynyň (APL) iň ýokary hak alýan oýunçysy boldy. Bu barada «Daily Mail» habar berýär diýip, gazeta.ru belleýär.
Ýatlap geçsek, 1-nji iýulda “Liwerpul” hüjümçi bilen täze şertnamanyň baglaşylandygyny mälim etdi. Täze şertnama görä, oýunçynyň zähmet haky hepdede 400 müň funt sterlinge barabar.
Bu hak Angliýanyň çempionatynyň ýyldyzlarynyň, şol sanda “Mançester Ýunaýtediň” portugaliýaly hüjümçisi Kriştianu Ronaldunyň we “Mançester Sitiniň” belgiýaly ýarym goragçysy Kewin de Brýoýneniň zähmet haklaryndanam ýokarydyr.
Şeýle-de, “Daily Mail” indi Salahyň dünýäniň iň ýokary hak alýan futbolçylarynyň bäşligine girýändigini habar berýär. Ol bu sanawda diňe “Pari Sen-Žermeniň” hüjümçileri Lionel Messä, Kilian Mbappä we Neýmara ýol berýär.
Çeşme: tmcars.info
5комментариев
Чтобы оставить комментарий, необходимо на сайте.
