Futbolçylar köplenç haýsy häsiýetleri bilen meşhur bolýarlar. Ýokary tehnikamy? Ýa yzygider stabil derejede oýnamakmy? Top bilen amala aşyrýan jadyly hereketleri bilenmi? Futbol taryhynyň iň ýokary notasynda ýagny Ronaldo+Messi erasynda "Duel Ro-leo" eýýamynda ýaşaýanlygymyz üçin şu ikisinden galan futbolçylaryň ählisi bularyň kölegesinde galmagy dowam edýär. Bu döwürde Mbapbeň ýokary tehnikasam, Neýmaryň jadyly fintlerem ikinji planda görülmegi geň waka däl. Sebäbi Ronaldo bilen Messi (Hakyky fanatlar üçin bularyň biri futbol şasy, beýlekisem olaryň duşmany. Ýöne bularyň ady mydama bilelikde agzalar. Ronaldu diýen wagtyňyz hökman Messini agzamaga mejbur bolarsyňyz! ýa-da tersine Messi diýseňiz hökman yzyndan Ronalduny aýdarsyňyz) ýokary derejeli futbolçy bolmak plankasyny şu dereje ýokary göterdiler, geljekde haýsydyr bir futbolçynyň bu ikisiniň derejesine ýetmegi gaty kyn mesele.
Kriştianu Ronaldu dünýä futbolynyň taryhyndaky şübhesiz iň gowularyň biri. Emma ýene bir portugal bolan, döwründe oň ady Ronaldudanam meşhurrak bolan. Onuň futbol meýdanynda edýän hereketleri fint ussatlary üçinem arzuw bolan. Butsaň daşky tarapy bilen jerimeden urýan gollaryny ýene kim urup bildi taryhda, aýdyň hany? Bu ýyldyzyň doly ady Rikardu Andrade Kuarežma Bernardu. 1983-nji ýylyň 26-njy sentýabrynda Lissabonda doglan bu adatdan daşary zehin futbolçylyk karýerasyny 2001-nji ýylda Sportingde başlaýar. 2002-2003-nji ýyllar aralygynda toparyň esasy düzüm futbolçysyna öwrülýär. Eýýam şol wagtlar bu ýigidi futbol älemi ykrar edipdi. 2003-nji ýylda bu ýaş ýyldyzy Barselona öz düzümine goşýar. Katalon futboly ondan beýik geljege garaşýar, emma super zehin özünden garaşylan netijelere, özüne edilen uly ynama türgenleşiklere gelmezlik, öz tehnikasynyň üstünde işlemezlik we iň soňunda eger Barsa tälimçi Frank Raýkerdi wezipesinden kowmasa umuman oýunlara düşmezlik ultimatumy bilen jogap berýär. Barsada parlap bilmedik bu ýalta, işýakmaz zehin ýene Portugaliýa, bu gezek Portu toparyna gelýär. Soň Interde, Çelsi, Beşiktaş, Al Ahli, ýene Portu, ýene Beşiktaş, Kasympaşa toparlarynda oýnaýar. Soňky iki möwsümini bolsa Portugaliýanyň Witorio Gimaraýeş klubynda oýnady. Häzirki wagta erkin agent hasaplanýan bu ýigit hiç bir klubynda-da öz zehinini ösdürmek, has-da gowy bolmak barada umuman alada etmedi. Ýogsa oýnan klublarynyň köpüsi ýöne-möne klublar däl. Ony mydama ýyldyzlyk keseli, ýaş wagtlary dünýä futbolynyň iň gowy futbolçysydygy baradaky portugal metbugatynyň makalalary yzarlap gezdi. Ol bu öwgülere has berilip futbol ummanynda gark bolan bir gämiçä meňzeýär. Özüniň doly potensialynda oýnanda futbol äleminiň iň naýbaşylarynyň biri bolup biljek bu futbolça hem-ä geň galýan, hemem erbet ýüregim awaýar.
Gözümiziň öňünde Kriştianu Ronaldu Hudaýyň beren zehinini her gün çarhlap, ony gün-günden ösdürmäge synanyşýarka, ýene mega talant Rikardu Kuarežma bolsa gün geçdigiçe hiç bir futbolça berilmedik özündäki ylahy zehine hyýanat etmegini dowam edýär...