Seržio Konseýsaunyň tälim berýän topary Super Kubogy almak ugrundaky oýunda «Tondela» toparyny 3:0 hasabynda ýeňlişe sezewar etdi. Duşuşykda «Portunyň» eýranly hüjümçisi Mehdi Taremi 30-njy minutda hasaby açdy we 33-nji minutda Ewanilson hasaby 2:0-a öwürdi. Oýnuň 82-nji minutynda bolsa ýene şol bize tanyş bolan eýranly hüjümçi Taremi uly sahna çykdy we hasabyň soňky nokadyny goýdy. «Portu» — «Tondela» — 3:0.

Şeýlelikde, «Portu» öz taryhynda 23-nji gezek bu baýraga eýe boldy we bu netije ýurduň rekordy hasap edilýär. Toparyň 23-nji Super Kubogyny gazanan oýnunyň gahrymany bolan eýranly hüjümçi Mahdi Taremi bolsa 2015-nji ýylda Eýranyň milli ýygyndysynyň düzüminde Türkmenistana gelipdi we Daşoguz şäherinde geçirilen şol oýunda ildeşlerimiz Eýranyň milli ýygyndysy bilen 1:1 hasabynda deň oýnapdy