Saud Arabystanynyň mirasdüşer Şazadasy Mohammed bin Salmanyň Nýukasly satyn almagynyň owazy belentden ýaňlanýar. Italýan metbugatynda şol arap konsorsiýumynyň Italiýadan hem bir kluby satyn almakçy bolýandygy bilen baglanyşykly habarlar bar. Häzirki wagtda araplar Interiň eýesi Suninge kluby satyn almakçy bolýandyklaryny mälim etdiler we teklip bermekçi bolýarlar. Köp wagtdan bäri-de Suning kompaniýasy Interi satmakçy bolýardy. Habarda taraplar şertnama baglaşmaga golaý gelendikleri bellenilýär. Şeýle-de, Calciomercato-nyň habar bermegine görä, Suning kompaniýasy klubuň satyn alynmazdan ozal, täze stadion taslamasynyň dowam etmegi barada güwänama isleýär.