Habar geldi sen hakynda,
Ýüregim zar, zar aglady,
Ýumrulyp, dag gaýdan deýin,
Başym hasrata baglady.

Çagalykdan bile oýnap,
Önüp-ösüp, ulaldyk tiz,
Ýürekdeşdik, hiç aýrylmaz,
Doganlyga baglandyk biz.

Yza sarap durmuş ýoluň,
Sahypasyn agtardym men,
Bile geçen  ýollarmyzy
Ýatladym göz ýaşlar  bilen.

Seniň aýdan her bir sözüň,
Gulagymda ýaňlanyp dur,
Bütin geçen ýyllarymyz,
Gözöňümde janlanyp dur.

Ynsan üçin ýalňyzlykdan,
Ezýet çekmek agyr eken,
Dogan saýýan ynsanyňdan,
Juda düşmek jebir eken.

Mehrimah