Kembrij uniwersitetiniň iňlis dili sözlüginde "perseverance" ("tutanýerlilik") sözi 2021-nji ýylyň sözi hökmünde saýlanyldy. Bu barada Kembrij uniwersitetiniň web saýtyna salgylanyp, rbc.ru habar berdi.

Ýylyň sözüni sözlügiň ulanyjylary saýladylar. Ýagny olaryň sözlükden kynçylykly ýagdaýlara garamazdan bir zada ýetmek ýa-da bir zady amala aşyrmak üçin hemişelik ymtylyşy aňladýan "perseverance" sözüni has köp gözländikleri anyklanyldy.

“Perseverance" sözi şu ýyl sözlügiň saýtynda 243,000 gezek gözlenildi. <...> Bu NASA-nyň missiýasy bilen hem, pandemiýa bilen hem baglanyşykly bolup biler. 19-njy fewraldan 25-nji fewral aralygynda NASA-nyň Perseverance Rover marsohody Marsa gonanda gözlegleriň sany birden artyp, olaryň 30487-si hasaba alyndy"-diýip, Kembrij uniwersitetinde habar berildi.
Kembrij sözlügi her ýyl ulanyjylaryň iň köp gyzyklanýan sözüni kesgitleýär. 2020-nji ýylda "quarantine" ("karantin") sözi, 2019-njy ýylda bolsa "upcycling" (köne zatlary gaýtadan işlemek arkaly täze zatlar öndürmek) sözi ýylyň sözi hökmünde saýlanypdy.