Türkmen maşgalasynda gyza aýratyn sarpa goýulýar. Garybrak bolsada, özi geýmez, gyzyny geýindirer. Gyzyň göwni ýykylmaz. Gyza bedew ata seredilen ýaly serediler, oglana iş atyna seredilen ýaly. Gyz eýýäm ýaşlykdan özüne aýratyn hormat goýulýandygyny, buýsanylýandygyny, ene-atasynyň görer gözüdigini duýup başlar. Gyz öýde aýratyn söýgüden gandyrylar. Ol şeýde-şeýde özüniň ojagyň mertebesidigine, kakasynyň, erkek doganlarynyň namys-arydygna, tutuş maşgalanyň tugudygna akyl ýetirer. Gyz maşgala özüne ýokjak garanyň tutuş maşgalany garaltjakdygna gowy düşüner.
Akyl we agraslyk, wepa we ejap türkmen gyzlarynyň tebigatyndaky esasy häsiýetleridir.