Deňeme

Goý özüňni garyp bendäň deregne,
Kömek edip derman bol oň ýüregne,
Baýlygy hiç wagt etme ýörelge,
Ulumsy, baý bendä özüň deňeme!

Ýagşynyň ýoly daş, ýamanyňky golaý,
Oňarsaň-a ýagşy ýola ýetginiň.
Diýdirmegin "Aý, ol planymaý!"
Ýagşy ady dünýä goýup gitginiň.

Deňeme durmuşyň özgäňki bilen,
Deňeme ýazgydyň özgäňki bilen,
Ýokdur hiçkim öňden geljegin gören,
Bisabyr ynsana özüň deňeme!

Hemmämiz deň iýip, deňje geýýäsem,
Hemmämiz deň aglap, deňje gülýäsem,
Eý ynsan ýaşama ölüm ýok ýaly,
Belli bir gün hemmejämiz ölýäsem.

Rahymberdi Suhanow