Özbegistanda yörite komissiýanyň karary bilen 1-nji martdan başlap köpçülik yerlerinde hökmany örtük dakynmak talaby ýatyrylýar. Bu barada 23-nji fewralda premýer-ministr Abdulla Aripowyň ýolbaşçylygyndaky Koronawirusa garşy göreşmek boýunça yörite respublikan komissiyanyň mejlisinde aýdyldy. Şeýle-de bolsa jemgyýetçilik ulaglarynda, söwda merkezlerinde, bazarlarda, metjitlerde, kinoteatrlarda we beýleki köpçülik yerlerinde örtükleri dakynmak maslahat berilýär. Bu barada «Gazeta.uz>> habar berýär.

Özbegistanyň premyer-ministri Abdulla Aripow: «Aslynda, hiç kimin örtügi talabalaýyk dakynmaýandygyny boýun almaly» - diýip belleýär. Şeyle-de ol Angliýada, Daniýada, Fransiýada we ABŞ-nyň käbir ştatlarynda örtük dakynmak düzgünleriniň ýatyrylandygyny aýtdy.

Yurtda saglygy goraýyş işgärlerinden COVID-19 bilen kesellänlere we beýleki hassalara seredenlerinde örtük dakynmak talap ediler. Arassaçylyk we epidemiologik abadançylyk, jemgyýetçilik saglygy gullugynyň başlygy Bakhodir Yusupaliýew epidemiologik yagdaý yaramazlaşsa, çäklendirmeleriň yörite komissiýanyň karary bilen gaytadan girizilip bilinjekdigini aytdy.

Goňşy ýurtda 2020-nji ýylyň 23-nji martyndan bäri köpçülik ýerlerinde şahsy gorag serişdeleriniň ulanylmagy hökmanydyr. 25-nji martdan bäri bu düzgüni bozanlar üçin jerime girizilipdi.

çeşme: salamnews.tm