Ýada düşüp bir menzile ýetensoň,
Ýitiren zatlarny yzyndan gözle,
Çagalaň ýetişip ata çykaňsoň,
Abraýy ogul gyzyndan gözle.

Dawa jenjel çözmeklik bir kär däldir
Her başy telpekli ygrara är däl
Hasylyň pes bolsa güýz günäkär däl
Säwlikli goýberen ýazyňdan gözle

Kim bolsaňam ýoldaş edin imany,
Märekede geplemegin bimany
Halal ýaşap halal çörek iýmäni
Öýüňdäki halal duzuňdan gözle.

Öýüňde gadyr bolmaz,şahyryň bagşy
Ölesoň biliner gymmady ýagşy
Toýa çagyrmasa duldegşir goňşyň
Günäni ondan däl özüňden gözle

Söýgi ataş, ýandyrmanjyk söýsene
Söýjek bolsaň Mejnun bolup söýsene
Her gözel gyzlardan mähir gözleme
Mähri öýüňdäki uzuňdan gözle.